EHSAAS -E- GAZAL

image

Lafzon ke taar kuch aise sajaye jaayen,
Ki had-e-nigaah nahi dil tak pohchaaye jayen…

Parh ke jise ankhein nahi dil bhare,
Ek gazal mein rang aise ghulaaye jayen…

Likhe khayal aur lafzon mein tawaz’un ho,
Kalam se gulaab kuch aise mehkaaye jayen…

Pas-e-adab bhi karna hai abhi sabhi lafzon ka,
Ehsaso ko, lafz mere, narmi se sehlaaye jayen…

Zamane ka aks jhalke ‘adeeba’ teri gazlon mein,
Aur parhne vaale ke dil ko behlaaye jaye…

_Endless Dreams
   Adeeba Mahwish